किवी उत्पादनमा चिनियाँ चासो

काठमाडौं, २७ साउन- नेपालमा किवीखेतीको अध्ययन, अनुसन्धान र उत्पादनका लागि छिमेकी मुलुक चीनले सघाउने भएको छ । बहुमूल्य फल मानिने किवीको नेपालमा उत्पादनका लागि अनुकूल वातावरण रहेकाले चीनले चासो दिएको हो । नेपालमा उत्पादन भएको किवीको बजारीकरणमा समेत सघाउने चीनले प्रतिबद्धता व्यक्त गरेको छ ।
चीनको राष्ट्रिय फलसमेत रहेको किवीको राष्ट्रिय आवश्यकता पूरा गर्न चीनले नेपाललाई अनुकूल स्थानको रूपमा लिएको छ । राष्ट्रिय आवश्यकता पूर्ति गर्न चीनले बर्सेनि १ लाख ७० हजार टन किवी बाहिरबाट आयात गर्छ । गत साता नेपाल भ्रमणमा रहेको चीनको प्रतिनिधिमण्डलले नेपालमा किवीखेतीको व्यावसायिक विकासका लागि सहयोग गर्ने विषयमा छलफलसमेत गरेको छ ।
कृषि विकास मन्त्रालयका अधिकारीसँग समेत भेट गरी उनीहरूले नेपालमा किवीखेती गर्न सकिने क्षेत्रहरूको विषयमा समेत जानकारी लिएका छन् । किवीका लागि नेपालको जमिन राम्रो भएकाले यसको उत्पादनलाई प्राथमिकतामा राख्न उनीहरूले मन्त्रालयका अधिकारीलाई सुझावसमेत दिएको मन्त्रालयले जनाएको छ ।
नेपालको जमिन किवीका लागि उपयुक्त रहेकाले उत्पादनको सम्भाव्यताका बारेमा टोलीसँग छलफल गरिएको मन्त्रालयका सहसचिव राजेन्द्र अधिकारीले बताए । आर्थिक हिसाबले पनि नेपाललाई फाइदा पुग्ने भएकाले किवीको खेती विस्तारका लागि टोलीलाई मन्त्रालयले सकारात्मक प्रतिक्रिया दिएको थियो ।
नेपालले चाहेको खण्डमा आवश्यक किवीको उत्पादनका लागि आवश्यक सहयोग गर्ने चिनियाँ टोलीको भनाइ छ । यसअघि सन् ०१३ डिसेम्बरमा कृषि विकास मन्त्रालयका सहसचिवहरू सम्मिलित टोलीले सिन्चुवान प्रान्तको भ्रमण गरेका थिए । त्यतिबेला अन्य कुराका अलावा नेपालको फलफूल चीनमा लैजाने विषयमा समेत प्राथमिकताका साथ छलफल भएको थियो । कृषि विकास मन्त्रालयअन्तर्गतको फलफूल विकास निर्देशनालयसँग नेपालमा किवी खेतीका लागि अनुसन्धान गर्न चीनसँग द्विपक्षीय सम्झौता समेत गरिएको थियो । मापदण्ड पूरा गरे नेपालको सुन्तला जातका फलफूल र किवीसमेत चीनले लैजान चाहेको बताउदै आएको छ ।
फलफूल विकास निर्देशनालयका तत्कालीन निर्देशक महेन्द्रमान श्रेष्ठका अनुसार गत डिसेम्बरमा नेपालमा किवीखेतीको विकासका लागि चीन सरकारको सहयोगमा नयाँ परियोजना सुरु गर्ने सम्झौता भएको थियो । तत्कालीन समयमा चीन भ्रमणमा रहेको कृषि विकास मन्त्रालयको टोलीसँगको छलफलपछि ‘सिचुवान–नेपाल किवी फ्रुट साइन्स एन्ड टेक्नोलोजी कोअपरेसन’ शीर्षकमा सम्झौता भएको उनले बताए । तत्कालीन सम्झौतामा दुवै देशको साझेदारीमा नेपालमा किवीसम्बन्धी अध्ययन अनुसन्धान गर्ने, किवीसम्बन्धी प्रविधि, ज्ञान र सीप आदानप्रदान गर्ने, किवीको बीउबिजन आदानप्रदान गर्नेलगायत विषय समेटिएको श्रेष्ठले बताए ।
नेपालका तर्फबाट निर्देशनालयका निर्देशक श्रेष्ठ र चीनको तर्फबाट सिचुवान प्रोभेसनल एकेडमी अफ नेचुरल सिसोर्स साइन्सबीच डिसेम्बर ६ मा सम्झौता भएको थियो । “सम्झौताअनुसार चिनियाँ टोली नेपाल आएर थप अध्ययन गनुपर्ने थियो, पछिल्लो टोलीको भ्रमण यसैको निरन्तरता हो,” श्रेष्ठले भने, “थप काम गर्न चिनियाँ पक्षले अध्ययन गरी परियोजना तयार गर्नुपर्ने हुन्छ, जसअनुसार नेपालमा किवीको विकासका काममा चिनले सघाउँछ ।” श्रेष्ठ हालैमात्र उमेरको हदबन्दीका कारण निर्देशनालयबाट अवकाश भएका सहसचिव हुन् ।

किवी फल खेती गर्न चाहने कृषकहरुलाई अत्यन्त जरुरी सूचना

“धन कमाउन र रोजी रोटीको लागी जागीरै खानु पर्छ वा बिदेशीनु पर्छ” भन्ने कदापी होइन । मेहनत र प्रयत्न गरे आफ्नै खेत–बारीबाट पनि प्रसस्त आम्दानी लिन सकिन्छ भन्ने विश्वास हामीले लिएको छ । उदाहरण स्वरुप बिगत ७ बर्ष देखि यस कम्पनीले किवी फल खेती समेतको बिषयमा अध्ययन, अनुसन्सधान, प्रचार–प्रसार र खेती गर्दै विक्री गरी राम्रो आम्दानी लिन शुरुवात गरीसकेको छ । स्वादिलो, पोषिलो र भिटामीन युक्त यस फलको स्वदेश तथा बिदेशमा प्रसस्त माग भैरहेको छ । ८०० मिटर माथीको पहाडी भु–भागको सिंचाई सुविधा भएको सबै प्रकारको माटोमा खेती गर्न सकिने किवी फलको खेती गरी आर्थिक उन्नती गर्न सम्पूर्ण कृषक दाजु भाइ तथा दिदी बहिनीहरुलाई हार्दिकताका साथ यो कम्पनी आह्वान गर्दछ । यस कम्पनी बाट नेपालमा नै पहिलो पटक बृहत किवी फलको नर्सरी स्थापना गरीएको हुँदा आगामी वर्ष खेती गर्न चाहने ब्यक्तिहरुले तुरुन्तै सम्पर्क राखी बिरुवा बुकिङ्क गराउनु होला । साथै प्रविधिबिहिन र गुणस्तरहीन बिरुवा रोपण गर्न बाट समयमै सचेत रहनु होला ।
उत्पादक
 Tshering Sherpa
9741064453 

परिचय,

बिभिन्न फलफूलहरु मध्येमा संसारका बिकसीत मुलुकहरुमा किवी फल धेरै सताब्दि अघि देखी नै खेती र प्रयोगमा रहेता पनि हाम्रो देशमा भने यो फल भरर्खरै मात्र जानकारीमा आएको छ । साधारण भाषामा ‘किवी’ भन्नाले न्यूजिल्याण्डको राष्ट्रिय चरा  भन्ने बुझिन्छ । यो हेर्दा खैरो देखिनुका साथै निक्कै ठूलो देखिन्छ । यसै गरी किवी फलको खेतीको शुरुवात १६अँै शताब्दीमा चाइनाबाट शुरुवात भएको पाइन्छ । त्यस बेला यस फलको नाम चाइनिज भाषामा थियो । पछि सन् १९०६ देखि न्यूजिल्याण्ड बाट नै व्यापक रुपमा खेती गर्न शुरुवात भएको हुनाले यो फलको नाम पनि किवी रहन गएको हो । यसबाट न्यूजिल्याण्ड देशको नाम पनि झन प्रशिद्ध भएको पाइन्छ । प्राचिन समय देखि नै चीनको वाङ्गतेइ प्रान्तमा पाइने चाइनेज गुजेवरी, याङ्गतावो, म्याक्यू पिच, मिहूतावो, भाइन पियर आदि नामले प्रख्यात रहेको यो फललाई २० औं शताव्दी को शुरु तिर चाइनामा सुसमाचारिय कार्यमा आइपुगेकी वाङ्गगाउई कन्या कलेजकी प्रिन्सिपल ईसाई धर्मावलम्वी म्यारी ईसावेल फ्रासरले सर्बप्रथम यसको बिरुवा न्यूजिल्याण्ड लगि खेती गरेको पाइन्छ । प्रथम र दोस्रो बिश्वयुद्य पश्चात चाइनिज नाम बाट त्यस समयमा यूरोप, अमेरिका आदि मुलुकहरुमा बिक्री वितरण गर्न कठिनाइ परेकोले न्यूजिल्याण्ड कै राष्ट्रिय चराको नाम संग मिल्ने गरी यस फलको नयां नाम किवी फल भनि नामाकरण गरिएको देखिन्छ । व्यवसायिक रुपमा सन् १९४० देखि विश्वमा यसको खेती शुरु भयो । यस फलको बैज्ञानिक (अन्तराष्ट्रिय) नाम ब्अतष्लष्मष्ब म्भष्अिष्यकब भनि सन् १९७४ मा नामाकरण गरियो । किवी फलमा सन्सारभर पाइने फलहरुमा भएको तत्वको अलावा भिटामिन ‘सी’ अत्याधिक मात्रामा पाइने हुनाले यस फललाई फलहरुको ‘राजा फल’ भनेर चिनिन्छ भने यूरोप र अमेरिकामा सर्बोत्कृष्ट फल भनेर चिनिन्छ । बेलायतको कृषी मन्त्रालयले संसार भर पाइने बिभिन्न फल फूलहरुको परिक्षण गर्दा किवी फलमा अन्य फलहरुमा पाइने भन्दा धेरै नै बढी मात्रामा भिटामिन, प्रोटिन, लवण, मिनरल र अन्य तत्वहरु पाइएको तथ्य समेत सार्वजनिक गरेको छ । यो हेर्दा चाइनिज गुजेवरी वा ठेकीफल जस्तै देखिएता पनि नेपालमा भने यसलाई झुसे फलको रुपले चिनिन्छ । नेपालमा यो फल खेती गर्न जाइका, इसिमोड जस्ता संस्थाले भरखरै मात्र पहल गरेको पाइन्छ । २०५९ सालबाट नुवाकोट, काभ्रे एंव दोलखाका केही चेतनशील ब्यक्तिहरुले यस फलको खेतीको शुरुवात गरेका छन् । पूर्वाञ्चलमा व्यवसायिक रुपमा भने सर्बप्रथम बि.स. २०६४ सालमा श्री इन्भाइरोमेन्ट प्रोटेक्सन एण्ड अल्टरनेटिभ पावर डेभलोपमेन्ट प्रा.लि. ले सुलुबुङ्ग गा.बि.स.मा व्यवसायिक रुपले खेतीको शुरुवात गरेको छ । २०६९ साल माघ मसान्त सम्ममा इलाम जिल्लाका सुलुबुङ्ग सुम्बेक,साखेजुङ्ग,साड्गरुम्वा,सोयाङ्ग,प्याङ्ग,पन्चकँया,फिक्कल,जिर्रमले,जितपुर, लुम्दे गा.वि.स लगायत ३८ गा.वि.स.मा ६१०० भन्दा वढी कृषकहरुले २३००० बिरुवा रोपिसकेका छन। २०६९ सालमा करीव ३०००० के.जी. अर्थात १ करोड ३०लाख रुपैयाको किवी फल उत्पादन भइ बिक्री बितरण भइसकेको छ भने आगामी वर्ष १ लाख ५० हजार के.जी. उत्पादन भइ करिव ४ करोड ५० लाख मुःल्यका े किवी फल उत्पादन भइ बिक्री बितरण हुने सम्भावना रहेको छ । हाल पुर्वी नेपालका इलाम,पाँचथर,ताप्लेजुङ्ग धनकुटा,तेह्रथुम,भोजपुर,संखुवासभा, लगायतका करिव १६००० कृषक यस फल खेतीमा आबद्द भै सकेका छन् । यस क्षेत्रका हजारौ कृषकहरुको हाल यस किवी फल खेती प्रति रुचि बढेको पाइन्छ । बिं ंसं २०६६ साल देखि नेपाल सरकारको तर्फ बाट दोलखा जिल्लाको बोच गा ंवि ंस स्थीत बागवानी फाममा किवीको खेती शुरु गरी अनुशन्धान केन्द्रको रुपमा काम गर्दै आएको छ भने इसीमोडले गोदावरी ललीतपुरमा नमूना खेती गरेको छ । नार्कका पुर्व कर्मचारी डा . श्री सुर्य प्रसाद पाण्डे पनि काभ्रे जिल्लामा यस फलको व्यवसायीक खेती गर्दै अनुसन्धानमा लागी पर्नु भएको छ । अन्तराष्ट्रिय बजारमा अत्याधिक मात्रामा ताजा फलका अलावा जाम, जेली र जुसको लागि प्रयोग हुने यो फलको हाल विश्व भरी नै खेती गर्न शुरु गरिएको छ ।अझ किवी फलको ब्यबसायिक खेती गर्ने राष्ट्रहरुमा इटाली, न्यूजिल्याण्ड,जर्रमनी, अमेरिका, चीन, जापान, दक्षिण कोरिया, बेलायत, क्यानडा, भारत, अस्ट्रेलिया प्रमुख छन् । बाह्र किसिमका फलफूलको स्वाद र १७ किसिमका भटिामीन एंव अन्य खनिज तत्वहरु पाइने यस किवी फलको बिश्व व्यापी वजार व्यवस्थापन गर्ने श्भ्क्एच्क्ष् नामक कम्पनीले २४८ किसिमका बिभिन्न वस्तुहरु जस्तै बिस्कुट, चक्लेट, केक, जुस, जाम, जेली, वाइन, भिटामिन र कस्मेटिक सामानहरु किवी फलको प्रयोग बाटै उत्पादन गरी हाल बिश्वका १५० भन्दा वढी देशहरुमा बिक्री बितरण गरीरहेको छ । 

महत्व एंव फायदा
फल हरुको ‘राजा फल’ र ‘सर्बोच्च फल’ को उपाधि पाउन सक्षम किवी फल ज्यादै नै महत्वपूर्ण छ । क्यालीफोर्नीया बिश्वबिद्यालय,ओस्लो बिश्व बिद्यालय,र पुर्दे बिश्वबिद्यालय समेतले प्रकाशित गरेको अनुशन्धान प्रतिवेदन अनुसार यस फलमा प्रशस्त मात्रामा भीटामीन सि, भीटामीन बी १२, भीटामीन बी ६, आइरन एंव एमिनो एसिड, प्रोटिन, जिङ्क, ओमेगा ३ र एण्टि अक्सिडेन्ट तत्व समेत प्रचुर मात्रामा पाइन्छ । जुन हाम्रो शरिरको बृद्दी बिकासको लागि ज्यादै महत्वपूर्ण हुन्छ । यस फलको नियमित सेवन बाट मुटु रोग,दम, क्यान्सर अल्सर, आँखा र छाला सम्बन्धि रोगको उपचारमा समेत मद्यत पुर्याउदछ । अन्तराष्ट्रिय बजारमा ज्यादै ख्याति कमाउन सफल भएको मलेशियामा कारखाना रहेको म्ह्ल् नामक कम्पनिले यस फलको रासायनिक र मेडिकल परीक्षण गरी परिणाम जानकारीमा ल्याए पश्चात यसको महत्व अझ धेरै बढेको पाइन्छ । किनकी १०० ग्राम किवी फल बराबर ४ दाना कागती, १७ दाना स्याउ , २ दाना सुन्तला, ८ कोसा केरा, वरावरको हुने भिटामिन सि लगायत सम्पूणर््ा भिटामीन एंव अन्य तत्वहरु यस फलमा एकमूष्ट रुपमा पाइन्छ ।
हाम्रो देश नेपाल जस्तो पहाडै पहाडले भरिएको भू(भागमा यस फलको खेती ब्यवसाहिक रुपमा गरी फल स्वदेश एंव बिदेशमा सजिलै बितरण गरी चिया अलैंची भन्दा दशौ गुणा बढी आय आर्जन गर्न सकिन्छ भने आफै खानामा प्रयोग गरी तन्दुरुस्त शारीरिक अबस्थामा रहन सकिन्छ । जुस,जाम,र जेलीको कारखाना स्थापना गरी रोजगारीको अवसर सृजना गर्न सकिन्छ भने अरु खेती यथाबत राखी सोही जमीनमा खेती गरी माच हाली अन्तरीक्षमा नै खेती गरीने हुंदा फाल्टु जमिनको खास आवश्यकता पनि पर्दैन । यो बिरुवा लगाएपछि १५ वर्ष सम्म फल दिइरहने हुंदा ३ वर्ष पछिवाट एउटै बोटवाट सरदर २०र२५ हजार सम्म आम्दानी हुने हुंदा पहाडी प्रदेशका कृषकहरुका लागि किवी फलको खेती गर्नु भनेको परमेश्वरबाट महत्वपूर्ण आशिर्बाद वा बरदान पाए सरह हो । १ रोपनी जग्गामा १५ बोट सम्म बिरुवा रोप्न सकिन्छ । यस प्रकारले अन्य बालीका साथसाथै किवी को खेती गरी एक रोपनी जग्गा बाट तीन वर्ष पछि देखि पन्द्र वर्ष सम्म बार्षिक रुपैंया दुइ लाख पचास हजार देखि तीन लाख पचास हजार सम्म आम्दानी हुने हुंदा धेरै नै फाइदा जनक छ । विदेशीहरु र उच्च वर्गका नेपालीहरुले खोजी(खोजी खाने यो फल काठमाण्डौ, पोखरा, चितवन, बनेपा, धरान, विरगंज लगायतका शहरहरुमा रहेका विभिन्न तारे होटलहरु र डिपार्टमेन्टल स्टोर्सहरुमा प्रति के.जी. रु. ४००। देखि ८००र( भन्दा बढीमा बिक्री(वितरण भई रहेको पाईन्छ । छिमेकी मित्र राष्ट्र भारत र चीनमा सन २०१२ मा न्यूजील्याण्ड बाट क्रमश २ अरव र ४ अरव अमेरीकी डलर बरावरको किवी फल आयात भएको रिपोटहरुले देखाएको हुदा भवीस्यमा हाम्रो लागि बजार ठूलो सम्भावना यिनै छिमेकी मित्र राष्ट्रहरु रहने प्रचुर सम्भावना देखिन्छ । किवी खेतीको माध्यम बाट राष्ट्रिय अर्थ तन्त्रमा ठूलो योगदान पुग्ने प्रवल सम्भावना देखिन्छ । 

किवीका प्रजातीहरु
संसारमा धेरै किसिमका किवी फलका प्रजातीहरु खेती गरिएको पाइन्छ । ति मध्ये प्रचलित जातहरु निम्न प्रकारका छन् । 
क) हेवार्ड 
ख) मोन्टी
ग) ब्रुनो 
घ) अलिसन 
ङ) ग्रासिई 
च) क्वीन बिउटी 
छ) रेडसन 

उल्ल्ोखित जातहरुको अलावा जापानमा भरखरै मात्र खेती गर्न शुरु गरिएको ऋजष्अय, ऋष्य, प्ष्य जातका पहेंलो फल हुने प्रजातीहरु धेरै नै महत्वपूर्ण जातहरु हुन । त्यसै गरी भाले जातहरुमा मातुवा, टोमुरी प्रचलित छन् । 

खेती गर्ने तरीका 
किवी फलको खेती समशितोष्ण र शितोष्ण प्रदेशमा गर्न सकिने हुंदा समुद्री सतह देखि ८०० मीटर देखि २९०० मीटर सम्मको पहाडी भू(भागमा यसको खेती गर्न सकिन्छ । औषतमा राम्रो उत्पादन भने १३०० मीटर देखि २२०० मीटर सम्मको भू(भागमा हुने गरेको पाइएको छ । सालाखाला बर्षा कम्तिमा १५०० मी.मी. सम्म हुनुपर्दछ । पहाडको सबै खाले माटोमा यस फलको खेती गर्न सकिन्छ भने मलिलो दोमट माटोमा ज्यादै राम्रो खेती हुन्छ । माटोको पि.एच.५ देखि ६.५ सम्म हुनु पर्दछ । बिरुवा रोप्दा ६×××४ वा ५×५ वा ५×५.५ मीटरको दुरीमा सिधा लाइनमा रेखाङ्कंन गरी खाडल खनी अर्गानिक मल + जैविक मल प्रयोग गरी माटो र मल राम्ररी मिलाई खाडल पुरी १ देखि १.५ फीट उच्चा गरी पानी नजम्ने गरी बिरुवा रोप्नु पर्दछ । बिरुवा रोपिसकेपछि फेदमा मल्चिङ्ग गर्न आवश्यक हुन्छ, भने वर्षातलाई ख्याल गरी बिरुवा रोपेपछि वर्षात शुरु नभए सम्म ३र४ दिनको अन्तरमा बिरुवालाई पानी दिइराख्नु पर्दछ । बिरुवा सरी सकेपछि भने दोस्रो वर्ष देखि २०र२२ दिनको अन्तरमा हिंउदमा पानी दिनु पर्दछ । अर्गानिक मल २५र३० के.जी प्रति बर्ष आश्विन कात्तिक र फाल्गुनरचैत्रमा दिने गर्नु पर्दछ ।
जेठ असारमा वर्षै पनिङ्ग र मंसिर पुषमा हिउंदे कटिङ्गर पनिङ्ग गर्नु आवश्यक हुन्छ । किवी फल लहरा प्रजातीको हुदां माचको आवश्यकता पर्दछ । त्यसका लागि ५र६ फिट अग्लो र ६ फिट चौडा माच बनाउनु पर्दछ । तारको पातलो जाली र सिमेन्टको खम्वा प्रयोग गर्नाले धेरै वर्ष सम्म टिकाउ हुने हुन्छ । प्रत्येक ८ पोथी बोट वरावर १ बोट भाले रोप्नु पर्दछ । यो पराग सेचनका लागि आवश्यक हुन्छ । खेती गरिएको ठांउमा मौरी पालन र पशु पालन गर्न वढी लाभदायक हुन्छ । 

रोग र उपचार ः
यो फल ज्यादै कडा बनस्पती प्रजातीको हुंदा धेरै रोगले आक्रमण गरेको पाइंदैन । ता पनि खुम्ले किरा, शंख्खे किरा, र फट्याङ्ग्रा ले जरा र पात खाने हुंदा यसको राम्रो संग नियन्त्रण गनृ पर्दछ । फेदमा पानी जमेमा जरा कुहिने हुंदा पानी जम्न दिनु हुंदैन भने पात डडुवा लागेमा वा डाठको भागलाई किराले काटेमा निमको झोल + तिते पाती आदि औषधि प्रयोग गर्नु पर्दछ । 

फल टिप्ने एंव भण्डारण 
किवीको फूल बैशाखमा शुरु हुने र चिचिला समेत देखिने हुंदा जेठर असार र श्रावण मा ३ पटक बीच(बीचको फल टिपेर फाल्नु पर्दछ । नत्र समान किसिमको फल फल्दैन । कत्तिक महिनामा फलमा रहेको त्क्क् नाप गरी फल टिपी भण्डारण गर्न सकिन्छ । फल बोटमा नै पाक्दैन र ज्यादै अमिलो पनि हुने हुंदा टिपेर केरा पकाए जस्तै गुम्साएर राखे पछि ७र १० दिनमा पाक्दछ र गुलियो हुने भई खान वा बिक्री वितरणको लागि योग्य हुन्छ । यसरी तयार भएको फल १ देखि डेढ महिना सम्म पनि राख्न सकिन्छ । आलु जस्तै फि“जाएर त्यसै राखेको खण्डमा ६ महिना सम्म पनि बिग्रदैन । यस लाई ताछेर वा चाना काटि सलादको रुपमा वा मासु एंव अन्य खाद्य पदार्थमा मिलाएर खाएमा समेत ज्यादै स्वादिलो हुन्छ । 

सम्भावना 
किवी फल खेती फाइदा र सम्भावनालाइ मध्य नजर गर्दै देशै भरीबाट व्यापक रुपमा चासो बढे पछि हाल इलाम जिल्ला सुलुबु ५ स्थीत बातावरण समंरक्षण तथा बैकल्पिक उर्जा बिकास प्रा.ली नामक नीजि कम्पनीले स्वस्थ र गुणस्तरका ६० हजार बिरुवा उत्पादन गरी सुलभ मुल्यमा बिक्री बितरण गर्दै किवी खेती सम्बन्धी प्रबिधि समेत हस्तान्तरण गरी किवी खेतीलाइ अगाडी बढाउन लागी परेको छ । हाम्रो जस्तो अबिकसित मुलुकमा ७० प्रतिसत भन्दा बढी नागरिक हरु कृषि पेशामा आश्रित हुंदा हुंदै पनि उत्पादित वस्तुबाट ६ महिना सम्म पनि खान लाउन पुगिरहेको छैन भने अर्को तर्फ राजनैतिक अस्थिरता र बस्तुपरक शिक्षा को अभाव बाट बर्षैनी लाखौ युवा युबती शैक्षिक बेरोजगारी भै हात मुख जोर्र्नै र सुन्दर भबिश्य कोर्ने सुनौला सपना बोकेर साहुको ऋणको पगरी गुथेर भए पनि जवानीको जोस जागर र रगत पसिना बिभिन्न बिदेशी भूमिमा पोख्न बाद्य्य भइरहेको बिद्यमान अवस्थामा यदि व्यवसाहिक रुपमा किवी खेत गर्नै हो भने आफ्नै देशमा रोजगारीको अवसर सृजना हुने र मनग्य आय आर्जन हुने हुन्छ । तसर्थ नेपालको पूर्व देखि पश्चिम सम्मका पहाडी भू—भागमा किवी फल खेती गरी जाम, जेली र जुसको कारखाना स्थापना गर्ने हो भने लाखौ व्यक्तिले आय आर्जन गर्ने बीसौ“ लाख ब्यक्तिले रोजगारी पाई अरवौ सम्पति आर्जन हुन सक्ने प्रवल सम्भावना रहेको हुदा राज्यले यस खेतीको लागि चासो राखी सहयोग र हौसला गर्नु पर्ने देखिन्छ ।

के हो किवीफल भनेको?

के हो किवीफल भनेको?

 

किवीफल लहरामा फल्ने एक प्रकारको अत्यन्तै पोषिलो फल हो । फल अण्डा आकारको खैरो रंगको मसिनो झुसले ढाकेको हुन्छ र एक पटक लगाएपछि लामो समयसम्म (३०–४० वर्ष) लगातार फल दिइरहन्छ ।

यसको फूल फागुन–चैत्र महिनामा फुल्दछ र कात्र्तिक– मङ्गसिर महिनामा फल टिप्नको लागि तयार हुन्छ ।

किवीफल नेपालमा भित्रिएको लगभग ३० वर्ष जति भएता पनि प्रचार प्रसार र उत्पादनको कमीले नेपाली

जनमानसमा परिचित हुन सकेको छैन ।

कस्तो ठाउँमा यसको खेती गरिन्छ, 

नेपालमा यसको संभाव्यता कस्तो छ ? यसको लागि वर्षा सिजनमा पानी नजम्ने र अन्य

समयमा सिंचाइको सुविधा भएको पाखो जग्गा उपयुक्त हुन्छ । नेपालको सन्दर्भमा यो फल १००० मिटर देखि

माथि ३००० मिटरको उच्चाईसम्म उच्च पहाडमा खेती गर्न सकिन्छ । नेपालको हिमालदेखि उच्च पहाडी क्षेत्र

जहाँ हिउँदमा चिसो हुने र वर्षामा पानी पर्ने र बढी आद्रता   भएको हावापानी हुन्छ,

त्यस्तो ठाउँको लागि यो फल उपयुक्त हुन्छ । नेपालको सन्दर्भमा पूर्व ईलाम पाँचथरदेखि दोलखा हँुदै पश्चिम डडेलधुरा बैतडीसम्म यसको खेती गर्न सकिन्छ । हाल नेपालको सुन्तला लगाइएको क्षेत्रभन्दा माथी र

स्याउ लगाईएको क्षेत्र भन्दा तलको लाखौं हेक्टर भू–भाग जहाँ कृषकहरूले परापूर्वकालदेखि केवल मकै,

कोदो लगाउँदै निर्वाहामुखी खेती गर्दै आएका छन् त्यस्ता ठाउँमा यो प्रविधिको पहुँच बढाइ रोजगारी,

आय आर्जन तथा देशकै अथतन्त्रमा ठूलो सहयोग हुने संभावना रहेको छ ।

नेपालमा किवीफलको खेतीको सुरुवात कहाँ–कहाँ भएको छ ?

नेपालमा ललितपुरको गोदावरी स्थित ईसिमोड फार्म, र बज्रबाराही, काभ्रे जिल्लाको पातलेखेत, सुब्बागाँउ,

ईलामको सुलुवुङ गा.वि.स., दोलखाको वोच, चरिकोट र जिरी क्षेत्र, नुवाकोटको ककनी, र मकवानपुर जिल्लाको दामन फार्म र चित्लाङ तस्कर क्षेत्र, रामेछाप जिल्लाको दोरम्बा, सैलुङ्ग क्षेत्रमा त्यहाँका अगुवा कृषकहरूले किवी फलको खेती सुरु गरेका छन् भने केन्द्रीय वागवानी केन्द्र कीर्तिपुर र दोलखा जिल्लाको वोच गा.वि.स. स्थित वागवानी फार्मले कृषकहरूलाई किवीफल खेती प्रविधि बिस्तार गराउने तथा बिरुवा उत्पादन गर्ने कार्य सुरुवात गरेको छ ।

यो फल कसरी खाने र के फाईदा छ ?

 

किवीफल स्याउ, सुन्तला जस्तो यत्तिकै बोटबाट टिप्नासाथ खान मिल्दैन । यसको फल बोटमा छिप्पीएपछि टिपेर राखिन्छ र फल छाम्दा गिलो भएपछि खानको लागि तयार हुन्छ । चक्कुको सहयाताले पातलो बोक्रा हटाएर भित्रको सबै भाग सलादको रूपमा वा यत्तिकै खान सकिन्छ । यो फलको राम्रो र ठूलो दाना ग्रेडिङ्ग गरेर बिक्री गर्ने र साना र बिक्रीको लागि अयोग्य फलबाट जुस, जाम, वाईन जस्ता बहुमूल्य परिकार प्रशोधन गरी व्यावसाय संचालन गर्न सकिन्छ । यसमा भिटामिन सि तथा अन्य खनिज पदार्थ धेरै भएकोले स्वास्थ्यको लागि बहुउपयोगी छ । पोषण सुधारको साथै पेट सम्बन्धी रोगहरू, न्यूमोनिया, दम, रक्तचाप, कोलेष्टेरोल, मधुमेह जस्ता धेरैथरी रोगहरूमा समेत उपयोगी भएकोले यस फलको महङ्खव धेरै भएको हो ।

यो फलको अन्य महत्व के के छ ?

यो फलको महङ्खव ज्यादै धेरै रहेको छ छोटकरीमा भन्नुपर्दा यसका फाईदाहरू निम्न बमोजिम छ ;

• यो फल ज्यादै पोषिलो छ (Highly Nutritious)

• धेरै फल्दछ (Heavy Fruiting)

• उत्पादन प्रविधि सजिलो छ  (Easy Production Technology)

• बजारमुखी छ (Market Oriented fruit)

• आम्दानी धेरै हुन्छ (High Income generation)

• कृषि पर्यटन बढाउँछ (Promote Agro / Rural Tourism)

• लामो समय सम्म भण्डारण गरेर राख्न सकिन्छ (Long storage ability)

• रोजगारीको अवसर बढाउँछ (Promote Employment opportunity)

• यो निर्यात जन्य फल हो (Export Opportunity)

• यो दिगो विकासको प्रविधि हो  (Sustainable Technology)

• राष्ट्रिय अथतन्त्रमा ठूलो टेवा दिन्छ (Direct Impact on National Economy)

यस्तो महत्वपूर्ण फलफूल के कारणले नेपालमा विकास नभएको होला ?

यसको विकास नहुनुमा मुख्य रूपले नयाँ प्रविधिको जानकारीमा कमी  हो । सम्बन्धित निकाय, नीति निर्माता, निर्णयकर्ताहरूमा जानकारीको कमी, व्यवस्थित रूपमा सहभागितात्मक तवरले विकास प्रकृया अगाडि बढाउने सोच र प्रतिबद्धताको कमीले गर्दा नेपाल सबैखाले विकास कार्यमा पछाडि परेको छ । नेपालको पूर्वमा रहेको भुटान सरकारले र पश्चिम क्षेत्रमा रहेको हिमाञ्चल प्रदेशमा भारत सरकारले कृषकहरूलाई आकर्षक अनुदानका साथ किवीफल खेतीमा निकै प्रगति गरिसकेको छ भने हामी नेपाली थुप्रै सम्भावना हँदा हुँदै पनि भर्खर सुरुवातको अवस्थामा रहेका छौ। अतः यस फलको विकासको लागि नेपालका सरकारी, गैर 

सरकारी सबै संघ संस्थाहरू एकजुट भएर लाग्नु पर्ने समय भएको छ ।

नेपालमा किवीफलको बजार स्थिति

कस्तो छ ?

नेपालमा किवीफलको उत्पादन ज्यादै नगन्य भएकोले यसको प्रचार प्रसार भएको छैन सर्वसाधारण  उपभोक्तालाई यस बारेमा कमै मात्र थाहा छ । नेपालमा ठूला सुपरमार्केटहरूले विदेशबाट ल्याएर ठूला 

होटलहरू तथा विदेशीहरूलाई उपलब्ध गराइरहेको छ । हाल प्रति के.जी. ६०० सम्ममा बिक्री भएको छ । 

केही फार्महरूले गे्रडिङ गरी प्रति के.जी. रू २०० देखि ४०० सम्ममा बिक्री गरेको पाइएको छ । यति महँगोमा 

सर्वसाधारण नेपालीले किनेर खान सक्दैनन् । तसर्थ हाम्रो उद्देश्य उत्पादन वृद्धि गरी अपूर्ति बढाउने र 

सुपथ मूल्यमा सर्वसाधारणलाई बजारमा सहज रूपमा उपलब्ध गराई उपभोग बढाउने हुनुपर्दछ । किवी खेती 

सुरू गर्ने कृषकहरूले बजारमा जति मूल्यमा बिक्री हुन्छ त्यहिमा बिक्री गर्ने उद्देश्यका साथ उत्पादन गर्नुपर्दछ 

र यसको बिक्री बढावाको लागि आवश्यक धेरै कार्य गर्नु बाँकी नै छ ।

किवीफल खेती गर्दा के के कुराहरूमा ध्यान दिनुपर्दछ ?

१. के तपाईको किवी खेती गर्ने ठाउँ उपयुक्त हावापनीमा पर्दछ ? 

१००० मिटर (४००० फिटदेखि) माथिको उचाइ

चाहिन्छ ।

२. के तपाईको किवी खेती गर्ने ठाउँमा सिंचाइ सुविधा छ ? 

यसको जरा गहिरो जादैँन तसर्थ समय समयमा सिंचाइ दिनुपर्दछ । 

३. के तपाईको किवी खेती गर्ने ठाउँमा निकासको सुविधा छ ? 

वर्षामा धेरै पानी परेको समयमा पानी जम्न हँुदैन ।

४. के तपाईले किवी खेती सफल भएको ठाँउको अनुभव लिनु भएको छ ? 

व्यावसायिक खेती सुरु गर्नुपूर्व बिस्तृत जानाकारीको लागि बागवानी फार्म, वोच दोलखा अथवा अन्य सफल भएको ठाउँमा सम्पर्क र ाख्नुहोस् ।

५. के तपाईको किवी खेती गर्ने ठाउँमा आवश्यक मलखादको व्यवस्थापन गर्न सक्नुहुन्छ ?

माटोको अवस्था हेरी मलको राम्रो व्यवस्था मिलाउनु पर्दछ । 

६. के तपाईको किवीलाई आवश्यक पर्ने सर्पोट सुविधा र काँटछाँट मिलाउन सक्नुहुन्छ ?

यसको लहरा छिटो बढ्ने स्वभावको हुन्छ तसर्थ सपोर्टको लागि र काँटछाँट मिलाउनु पर्दछ । 

७. के तपाईको किवी खेती गर्ने ठाँउमा ठूलो असिना पर्दछ ? 

ज्यादै ठूलो असिना र हुरीवतासबाट बचाउने उपय गर्नुपर्दछ ।

८. के तपाईले किवी खेती सफल बनाउन निरन्तर ध्यान दिन फुर्सद छ ? 

व्यावसायिक खेती सफल बनाउन धैर्यता, निरन्तर मेहनत र ध्यान दिनुपर्दछ ।

लेखक चन्द्र मान श्रेष्ठ